Եթե մի ժամվա մեջ մենք դրական պատասխան չստանանք դին կբերենք այստեղ. զոհված զինծառայողի հորեղբայր
Եթե մի ժամվա մեջ մենք դրական պատասխան չստանանք դին կբերենք այստեղ: Այս մասին քիչ առաջ ԱԺ-ի մոտ լրագրողների հետ զրույցում ասաց նախօրեին Արցախի ՊԲ հյուսիս-արեւելյան ուղղությամբ տեղակայված զորամասերից մեկի պահպանության տեղամասում, դեռեւս չպարզված հանգամանքներում, մահացու հրազենային վիրավորում ստացած Արթուր Աջամյանի հորեղբայրը:
«Թող ինքնասպանություն պիտակը չկպցնեն, եթե գործը հետաքննության մեջ է ի՞նչ իրավունքով են համացանցում նմանատիպ տեղեկություն տարածում: Կրակել են, սպանել են, ասեք սպանել են: Շատ լավ գիտեմ, հնարավոր է անգամ սպանած լիներ: Եթե զինվոր լիներ կարող է ասեին, բայց հիմա պահում են, կոծկում են: Սպանել-սպանել եք գոնե մի կոծկեք»,- ասաց զոհված զինծառայողի հորեղբայրը:
Նշենք, որ Արթուր Աջամյանի հարազատները ԱԺ-ի մոտ բողոքի ակցիա են իրականացնում: Նրանց հետ հանդիպել են ԲՀԿ խմբակցության պատգամավոր Նաիրա Զոհրաբյանը, «Իմ քայլը» խմբակցության պատգամավոր Ռուստամ Բաքոյանը եւ ԱԺ պաշտպանության եւ անվտանգության հարցերի հանձնաժողովի նախագահ Անդրանիկ Քոչարյանի հետ:
Այս պահին Անդրանիկ Քոչարյանն իր սենյակում զրուցում է բողոքի ակցիա իրականացնողների փաստաբանի հետ
