Հողամաս՝ նոր ծննդատան կառուցման համար
Կառավարությունը նոյեմբերի 28-ի նիստում «Գյումրու մոր և մանկան ավստրիական հիվանդանոց» փակ բաժնետիրական ընկերության համար ծննդատան նոր մասնաշենք կառուցելու նպատակով հողամաս հատկացնելու որոշում ընդունեց:
Ինչպես նշեց ՀՀ առողջապահության նախարարի տեղակալ Լենա Նանուշյանը, նոր ծննդատան կառուցումն արվելու է շվեյցարահայ բարերարի հիմնադրամի միջոցների հաշվին: Նախագծային ու շինարարական աշխատանքները նախատեսվում է սկսել արդեն մյուս տարի:
Փոխվարչապետ Տիգրան Ավինյանը ողջունելի համարեց նոր ծննդատան կառուցումը տարածքային համաչափ զարգացման տեսանկյունից:
