Ռուսաստանում այսօր առավոտյան պայթյունի հետեւանքով մահացած Երեւան քաղաքի նախկին ոստիկանապետ Աշոտ Կարապետյանը Մարտի 1-ի գործով վկայի կարգավիճակ ուներ, հայտնում է Հայկական ժամանակ։ 

Նույն այդ տեղեկություններով, նա այդ կարգավիճակով ՀՔԾ-ում հարցաքննվել էր:

Վկայի կարգավիճակի վերաբերյալ տեղեկությունը մեր զրույցում հաստատեցին ՀՀ հատուկ քննչական ծառայությունից, սակայն այլ մանրամաներ չեն նշել։ 

Նա 2008 թվականի մարտիմեկյան  իրադարձությունների ժամանակ զբաղեցրել է ՀՀ ոստիկանության Երեւան քաղաքի վարչության Խորհրդային բաժնի պետի պաշտոնը: Աշոտ Կարապետյանը Երեւան քաղաքի ոստիկանապետի պաշտոնից ազատվեց 2016 թվականին Սարի թաղում տեղի ունեցած բախումներից հետո: