Նոր-Հաճնում շմոլ գազից թունավորման հետևանքով մահացած 4 երեխաների հայրը կգա Հայաստան. ԱԳՆ

Նոր Հաճնում շմոլ գազից թունավորման հետևանքով մահացած 4 երեխաների հայրն առավոտյան կլինի Հայաստանում։ Այս մասին Facebook–ի իր էջում գրել է ՀՀ ԱԳՆ մամուլի քարտուղար Աննա Նաղդալյանը։ 

«Հայտնում ենք, որ ՀՀ քաղաքացի Արման Մարգարյանը գտնվում է Ռոստովում, ՀՀ գլխավոր հյուպատոսությունում։ 

Տեղափոխման հետ կապված հարցերը լուծված են, և մեր քաղաքացին արդեն իսկ վաղն առավոտյան կլինի Հայաստանում»,–գրել է նա: 

Հիշեցնենք, որ նոյեմբերի 17–ին հայտնի դարձավ, որ մահացած 4 երեխաների հայրն ցանկացել է Ուկրաինայից Հայաստան վերադառնալ, բայց օդանավակայանում ձերբակալվել է, որովհետև շտապելու պատճառով չի լրացրել միգրացիոն փաստաթուղթը։ 

Նա խնդրել էր, որպեսզի իրեն թողնեն, որ վերադառնա ու մասնակցի մոր և երեխաների հուղարկավորությանը: 

Ավելի վաղ հայտնել էինք, որ նոյեմբերի 16–ին Նոր Հաճնում շմոլ գազից թունավորվել ու մահացել էին 77-ամյա տատը` Ժաննա Սիմոնյանը և  իր չորս թոռները` 16-ամյա Էդուարդ Մ.-ի, 12-ամյա Սերինե Մ.-ի, 15-ամյա Տիգրան Ս.-ի և 14-ամյա Ժաննա Մ.-ն: