Ամուլսարի խնդրի շուրջ քննարկում Ջերմուկում՝ Էրիկ Գրիգորյանի և պատգամավորների մասնակցությամբ

Բնապահպան, ակտիվիստ Թեմինա Ենոքյանը իր ֆեյսբուքյան էջում տեղեկացրել է, որ Ջերմուկում Ամուլսարի խնդրի շուրջ քննարկում է ընթանում , որին ներկա են պատգամավորներ Գայանե Աբրահամյանը, Մարիա Կարապետյանը, Միքայել Զոլյանը, Մերի Գրիգորյանը, Շրջակա միջավայրի նախարար Էրիկ Գրիգորյանը, այլք: 

«Հանդիպումը փակ է լուսաբանման համար։ 
Արդեն տևական ժամանակ է, ինչ տեղացիներին համոզում են, որ Ամուլսար տանող ճանապարհները բացեն։ 
Հիշեցնեմ, որ Ամուլսարի խնդրով հարուցված քրեական գործը տապալվեց, Իվանյան-Գրիգորյան քննիչ և նախկին ԲՆ նախարարի ազգակցական կապի բացահայտման պատճառով։ Ավելին ապօրինի ընդերքօգտոգարոծման փաստի առիթով հարուցված քրեական գործից էլ ոչ մի նորություն չկա։ 

«Էլարդն» էլ բազմաթիվ թերություններ բացահայտեց և տեսակոնֆերանսով ներկայացրեց։ Բայց ո՛չ ուրանի պաշարների մասին տեղեկատվությունը հիմք դարձավ, ո՛չ «Էլարդի» բացահայտումները, ո՛չ էլ նախարարության 13 կետից բաղկացած գրությունը։ 

Հիմա հարցերի հարցը, ինչո՞ւ է փակ այս քննարկումը, ո՛չ նախապես հայտարարվել է, ո՛չ էլ այս պահին թույլ են տալիս հեռարձակել»,- գրել է Ենոքյանը: