«Քաղաքացիական գիտակցություն» ՀԿ նախագահ Նարեկ Սամսոնյանը վստահ է` կրթության, գիտության, մշակույթի և սպորտի նախարար Արայիկ Հարությունյանը հրաժարական չի ներկայացնելու։ 
«Արայիկ Հարությունյանը հրաժարական չի տալու, քանի որ Նիկոլ Փաշինյանը շատ պարզ ձևակերպում է իրենց իշխանության բնույթը՝ նրանք թքած ունեն ցանկացած այլ կարծիքի վրա, առավել ևս, երբ խոսքը վերաբերում է իրենց մերձավոր ընկերներին», - Aysor.am-ի հետ զրույցում ասել է Սամսոնյանը։ 

Նա ընդգծեց՝ Արայիկ Հարությունյանը չունի որևէ կոմպետենտություն լինելու նախարար, բայց նախարար է, ինչպես Նիկոլ Փաշինյանը՝ նա կոմպետենտ չէ լինելու վարչապետ, բայց վարչապետ է։

«Նրանք ստացել են իրենց ձայները և պատրաստ են որևէ զիջման չգնալու ճանապարհով իրացնել իրենց իշխանությունը», - ասել է Ն. Սամսոնյանը։