Երևան քաղաքի ընդհանուր իրավասության դատարանը դատավոր Արտակ Թադևոսյանի նախագահությամբ քիչ առաջ հեռացավ խորհրդակցական սենյակ` ՄԱՊ-ի Ալիկի` Ալեքսան Պետրոսյանի խափանման միջոցի հարցով որոշում կայացնելու։

Նշենք, որ Ընդհանուր իրավասության դատարանն այսօր կեսօրից քննում էր Ալեքսան Պետրոսյանին կալանավորելու մասին Հատուկ քննչական ծառայության միջնորդությունը։ Նիստին մասնակցում էր նաեւ Ալիկ Պետրոսյանը, որը սակայն մեկնաբանություն տալ չցանկացավ:

Պետրոսյանը մեղադրվում է փողերի լվացմանն օժանդակելու մեջ:

«Հայկական ժամանակ»-ի տեղեկություններով`նրա մեղադրանքն առնչվում է Բնապահպանության նախկին նախարար Արամ Հարությունյանի վերաբերյալ քրեական գործին: Ալեքսան Պետրոսյանը գործի շրջանակներում ձերբակալված է եղել, սակայն ավելի վաղ դատարանը քննել է ձերբակալման որոշման դեմ պաշտպանի միջնորդությունն ու այն ճանաչել ոչ իրավաչափ։ Այս պահին նա ազատության մեջ է։ 

Ձերբակալված էր եղել նաեւ Ալիկ Պետրոսյանի որդին՝ Մակար Պետրոսյանը, սակայն նա նույնպես ազատ է արձակվել, թե ինչ հանգամանքներում, մեզ դեռևս հայտնի չէ։