Վրաստանի նախագահի կայքը կոտրել են՝ տեղադրելով Սաակաշվիլիի նկարը

Անհայտ անձինք կոտրել են Վրաստանի նախագահ Սալոմե Զուրաբիշվիլիի պաշտոնական կայքը և դրանում տեղադրել պետության նախկին ղեկավար Միխեիլ Սաակաշվիլիի լուսանկարը՝ «I`ll be back» («Ես կվերադառնամ») մակագրությամբ, ТАСС-ին հայտնել է Զուրաբիշվիլիի խորհրդական Իրինա Շենգելիան: 

«Մենք այժմ պարզում ենք, թե ինչ է եղել: Դրան միացել է նաև նախագահի անվտանգության ծառայությունը: Ամենայն հավանականությամբ, դա հաքերային գրոհ էր», - ասել է Շենգելիան: 

Նրա խոսքով՝ վարչակազմի աշխատակիցները կայքի կոտրվելու մասին իմացել են ժամը ժամը 11:00-ից հետո: Դրանից հետո որոշում է ընդունվել անջատել ինտերնետ-պորտալը: 

Վրաստանի ՆԳՆ-ում դեպքի առիթով քրեական գործ է հարուցվել: