Թիվ 30 երթուղու ավտոբուսում գողացել է ուղևորներից մեկի դրամապանակը և բռնվել (տեսանյութ)
Հոկտեմբերի 22-ին, ժամը 20-ի սահմաններում, ոստիկանության Արաբկիրի բաժնում օպերատիվ կառավարման կենտրոնից հաղորդում ստացվեց, որ րոպեներ առաջ թիվ 30 երթուղու ավտոբուսում ուղևորներից մեկի գրպանից գողացել են դրամապանակը, որի մեջ եղել է փող:
Ոստիկանության Արաբկիրի բաժնի ծառայողները գողությունը կատարած անձին և գողոնը հայտնաբերելու ուղղությամբ անհետաձգելի միջոցառումներ ձեռնարկեցին:
Բացահայտման աշխատանքներին միացան նաև ոստիկանության Երևան քաղաքի վարչության քրեական հետախուզության բաժնի 6-րդ բաժանմունքի ծառայողները, և համատեղ աշխատանքի շնորհիվ նույն օրը, ժամը 20.45-ին, գրպանահատը հայտնաբերվեց:
Քրեական հետախույզները Բաղրամյան պողոտայից, գողություն կատարելու կասկածանքով, ոստիկանության Արաբկիրի բաժին բերման ենթարկեցին Ամիրյան փողոցի 31-ամյա մի բնակչի:
Նա տվել է խոստովանական բացատրություն: Տուժողը հրաժարվել է հաղորդում տալուց:
Գողոնը մասամբ հայտնաբերվել է:
Նախապատրաստվում են նյութեր:
