Էրդողանը Եվրոմիության և ԱՄՆ-ի ղեկավարներին խոստացել է վերսկսել ռազմական գործողությունները
Թուրքիայի նախագահ Ռեջեփ Թայիփ Էրդողանը ներկայացրել է Սիրիայում ռազմական գործողությունների վերսկսման նախապայմանները, հայտնում է թուրքական NTV-ն:
Թուրքիան Վաշինգթոնի հետ համաձայնության գալուց հետո 120 ժամով դադարեցրել է ռազմական գործողությունները Սիրիայում, որպեսզի Սիրիայի դեմոկրատական ուժերի կոալիցիա կազմող քրդական ստորաբաժանումները հնարավորություն ունենան դուրս գալ սահմանային անվտանգության գոտուց:
Պահանջը չկատարելու դեպքում Էրդողանը Եվրոմիության և Միացյալ Նահանգների ղեկավարներին խոստացել է վերսկսել ռազմական գործողությունները:
