Թուրքական տանկերը ևզրահամեքենաները Սիրիայում ամրացրել են ճաղերով

Դատելով  ցանցում հայտնված լուսանկարներից՝ ամերիկյան արտադրության М60А3 տանկերի վրա սկսել են տեղադրել հակակումուլյատիվ էկրաններ։ Բայց այդ ճաղերը երերուն տեսք ունեն եւ հազիվ թե կարողանան արդյունավետ չեզոքացնել հակատանկային ականանետերի հրթիռային նռնակները, էլ չենք խոսում կառավարվող հրթիռների մասին։ Միեւնույն ժամանակ, դրանք ծածկում են միայն աշտարակի մի մասը, իսկ ընթացքի մասերը, որոնք ավելի բարակ են, ոչ մի կերպ պաշտպանված չեն, գրում է «ՌԳ. Ռոսիյսկոյե օրուժիե-ն»։ 

М60А3-ն Leopard 2А4-ի հետ միասին կազմում է թուրքական գործողության զրահատանկային բռունցքի հիմքը։ 

Տեղեկացվում է, որ Սիրիա են ուղղվել արդիականացված մեքենաներ՝ ակտիվ պաշտպանությամբ, բայց, ամենայն հավանականությամբ, խոսքը միայն միավորների մասին է՝ դրանք իրական մարտերի պայմաններում փորձարկելու նպատակով։