Մարզահամերգային համալիրի մոտակայքում այրվել են ծառեր
Հոկտեմբերի 7-ին, ժամը 12:05-ին «911» ծառայություն ահազանգ է ստացվել, որ Երևանի Կարեն Դեմիրճյանի անվան մարզահամերգային համալիրի մոտակայքում այրվում են ծառեր:
Դեպքի վայր են մեկնել ԱԻՆ ՓԾ Երևան քաղաքի փրկարարական վարչության հրշեջ-փրկարարական ջոկատից երկու մարտական հաշվարկ, ճգնաժամային կառավարման ազգային կենտրոնի արտակարգ իրավիճակների արձագանքման և օպերատիվ խմբերը:
Հրդեհը մեկուսացվել է ժամը 12:35-ին, մարվել` 13:06-ին: Այրվել են բուսածածկույթ (2000 քմ) և 5 ծառ` մասամբ:
