Չեմ չեղարկելու իմ որոշումը․ Արարատի մարզպետը՝ գյուղացիներին
Արարատի մարզի Նորաշեն համայնքում կրկին բողոքի ակցիա էր՝ ընդդեմ մարզպետ Գարիկ Սարգսյանի որոշման: Համայնքի բնակիչները դժգոհում են, որ համայնքապետ Նորայր Գրիգորյանի լիազորություններն անօրինական ձևով վայր են դրվել, և պահանջում են նրան վերականգնել պաշտոնին: «Չեմ չեղարկելու իմ որոշումը։ Սա Տարածքային կառավարման նախարարության նախարար Սուրեն Պապիկյանի գրությունն է: Ամեն ինչ տեղի է ունեցել օրենքով: Բոլոր փաստերն ունենք, բոլորը ներկայացրել ենք համապատասխան կառույցներին, համապարփակ ուսումնասիրվել են և ոչ մի խախտում չկա»,- ասաց մարզպետը՝ ցույց տալով փաստաթուղթը։
Նշենք, որ մարզպետը չցանկացավ զրուցել գյուղացիների և լրագրողների հետ:
