Հարբած և դաժան ծեծի ենթարկված կին է տեղափոխվել հիվանդանոց
Մարմնի տարբեր հատվածներում, նաև դեմքի վրա վնասվածքներով երեկ գիշեր Երևանում մի կին է հոսպիտալացվել։
Sputnik Արմենիայի տեղեկություններով` կինը գտնվել է ալկոհոլի ազդեցության տակ։ Նրան հիվանդանոց է հասցրել շտապօգնության մեքենան։
1-03 ահազանգողը պատահական անցորդ է եղել, որը նրան տեսել է շենքի բակում ընկած` անօգնական վիճակում։
Ըստ շրջանառվող որոշ լուրերի՝ նրան դաժան ծեծի է ենթարկել մի տղամարդ։ Առայժմ հայտնի չէ, թե նա ինչ հարաբերությունների մեջ է գտնվել այդ տղամարդու հետ։
Ըստ տեղեկությունների՝ նրա հիվանդանոց տեղափոխվելուց հետո բուժհաստատություն են եկել ոստիկանության ծառայողներ, որոնք էլ պարզում են կատարվածի հանգամանքները։
