Սնունդը զորամաս չտանելու համար վիճել են 2 զինծառայող

Խոստացված սնունդը զորամաս չտանելու համար վիճաբանություն է սկսվել զորամասում, երկու զինծառայող գտնվում է մեղադրյալի կարգավիճակում։

Այս մասին տեղեկանում ենք Դատական տեղեկատվական համակարգից։ Գործը դատարան է ուղարկվել ս․թ․ սեպտեմբերի 24-ին:

Ըստ մեղադրանքի՝պարտադիր ժամկետային զինծառայող Է.Ա.-ն նույն զորամասի պարտադիր ժամկետային զինծառայող, շարքային Ս.Ա.-ի կողմից ազատ արձակումից վերադառնալուց հետո խոստացված սնունդը չի տարել, այդ պատճառով վիճաբանության մեջ է մտել նրա հետ, բռնություն է գործադրել նրա նկատմամբ՝ պատճառելով թեթև վնասվածք:

Բացի այդ, Ս.Ա.-ի՝ սպայական սենյակում ծխախոտ ծխելու պատճառով, Է. Ա.-ն վիճաբանության մեջ է մտել վերջինիս հետ, որի ընթացքում հայհոյանք հնչեցնելով՝ ծեծի է ենթարկել  Ս.Ա.-ին: