Մարտի 1-ի գործով անցնող փոխոստիկանապետը ինքնասպան է եղել․ ArmDaily.am
ArmDaily.am-ի տեղեկություններով գիշերը Բջնիի իր առանձնատանն ինքնասպան է եղել նախկին ոստիկանապետ Հայկ Հարությունյանը։ Նախնական տեղեկություններով նա ինքնասպան է եղել իրեն ամրացրած զենքով ինքն իրեն կրակելու միջոցով։
Հիշեցնենք՝ ամիսներ առաջ Հայկ Հարությունյանը հարցաքննվել էր Մարտի 1-ի գործի շրջանակում։ Տեղեկությունը հաստատել էր Ռոբերտ Քոչարյանի պաշտպաններից Հայկ Ալումյանը:
Նշենք որ, Հայկ Հարությունյանը 2003-ից 2008 թվականը զբաղեցրել է ՀՀ ոստիկանապետի պաշտոնը, ապա 2008 թվականի մայիսին ազատվել պաշտոնից: Մամուլում 2008-ին տեղեկություններ շրջանառվեցին, որ Հայկ Հարությունյանը մինչեւ մարտի 1-ը հրաժարականի դիմում է ներկայացրել Քոչարյանին, սակայն վերջինս չի ստորագրել. ըստ այդ հրապարակումների՝ Հարությունյանը խնդրել է ուժ կիրառելու հրամանը գրավոր տալ, բայց դա չի արվել:
Սակայն, պաշտպանական կողմը պնդում է, որ Ռոբերտ Քոչարյանը իրավապահների կողմից ուժ կիրառելու «անհրաժեշտության» մասին տեղեկացել է առավոտյան, երբ աշխատավայրում է եղել»:
