Չավուշօղլուն Հայաստանի հասցեին մեղադրանք է հնչեցրել
Թուրքիայի արտգործնախարար Մևլութ Չավուշօղլուն ՄԱԿ-ի 74-րդ նստաշրջանի շրջանակներում մասնակցել է «Իսլամական համագործակության կազմակերպության» (ԻՀԿ) «Հայաստանի՝ Ադրբեջանի դեմ ուղղված ագրեսիայի հարցերով շփման խմբի» ժողովին:
Ըստ թուրքական աղբյուրի՝ այդ մասին հայտնի է դարձել Twitter-ում Չավուշօղլուի արած գրառումից։ Նա գրառումը կատարել է անգլերեն և թուրքերեն: «ԻՀԿ-ի Հայաստանի՝ Ադրբեջանի դեմ ուղղված ագրեսիայի հարցերով շփման խմբի ժողովի ընթացքում մեկ անգամ ևս դատապարտեցինք Հայաստանի անօրինական դիրքորոշումը», հայտնում է ermenihaber.am-ը:
Չավուշօղլուն հավելել է, որ այս առումով վերոնշյալ խումբը կարևոր դեր է խաղում։
