Կոտայքի մարզում ամուսինների վեճը ավարտվել է դանակահարությամբ
Երեկ արտառոց դեպք է տեղի ունեցել Կոտայքի մարզում։
Գյուղերից մեկում ամուսինների վեճն ավարտվել է երիտասարդ կնոջ դանակահարությամբ։ Դժվար է ասել՝ ինչ հետևանքներ կունենար միջադեպը, եթե հարևանները չարձագանքեին։
Sputnik Արմենիայի տեղեկություններով՝ կենցաղային վեճի ժամանակ տղամարդը ծեծել է կնոջն ու դանակով հարվածել ձեռքին։ Հարևանները միջամտել ու կանխել են հնարավոր ողբերգական զարգացումները։
Հետո գործը հասել է իրավապահներին, որոնք ժամանել են գյուղ ու տղամարդուն բերման ենթարկել։
Ոստիկանները պարզում են միջադեպի հանգամանքները։
