Ինչպես արդեն հայտնել ենք Հյուսիսային պողոտայում Mercedes մակնիշի 45 QO 455 համարանիշի ավտոմեքենան բախվել էր ճանապարհի թույլատրելի հատվածում կայանված պրոֆեսիոնալ բռնցքամարտի աշխարհի նախկին չեմպիոն Արթուր Աբրահամին պատկանող BMW X6 մակնիշի 01 RA 001 համարանիշի ավտոմեքենային:

ArmDaily.am-ի հետ զրույցում Արթուր Աբրահամի մամուլի քարտուղար Սիրան Գրիգորյանը հայտնել է, որ դեպքի ժամանակ Աբրահամը տանը քնած է եղել. «Դեպքը տեղի է ունեցել սեպտեմբերի 21-ի լուսաբացին ժամը մոտավորապես 6.30-ի հատվածում, երբ Արթուր Աբրահամը տանը քնած է եղել, հարբած վարորդը հարվածել է Արթուր Աբրահամի՝ ճանապարհի թույլատրելի հատվածում կայանված ավտոմեքենային: Արթուր Աբրահամը, բնականաբար, չի տուժել, նրա ավտոմեքենան ևս առանձնապես չի տուժել»։