Opel Astra մեքենան այրվել է. տուժածներ չկան
Սեպտեմբերի 22-ին, ժամը 14:53-ին «911» ծառայություն ահազանգ է ստացվել, որ Երևանի Աճառյան փողոցի թիվ 17 հասցեի մոտակայքում այրվում է «Opel Astra G» մակնիշի ավտոմեքենա:
Դեպքի վայր է մեկնել ԱԻՆ ՓԾ Երևանի փրկարարական վարչության հրշեջ-փրկարարական ջոկատից մեկ մարտական հաշվարկ:
Հրդեհը մեկուսացվել է ժամը 15:04-ին, մարվել՝ 15:05-ին:
Ամբողջությամբ այրվել է «Opel Astra G» մակնիշի (վարորդ՝ Արման Գ.) ավտոմեքենայի շարժիչի հատվածը:
