Վրաստանի գլխավոր դատախազությունը գործ է հարուցել Զուրաբիշվիլիի դեմ

Վրաստանի նախագահ Սալոմե Զուրաբիշվիլիի դեմ գլխավոր դատախազության հարուցած գործն առնչվում է ապրիլին նրա կողմից համաներման հրամանին, երբ դեռևս չպարզված հանգամանքներում ազատության մեջ էր հայտնվել 2 մարդասպան: 

«Վրաստանի գլխավոր դատախազությունը հետաքննություն է սկսել դատապարտյալներ Ռամազ Դևաձեին,  Ասլան Բեժանիձեին և Զուրաբ Նադիրաձեին և այլոց ներում շնորհելու գործընթացում հնարավոր չարաշահման վերաբերյալ»,- ասվում է գլխավոր դատախազության տարածած հայտարարության  մեջ: 

Զուրաբիշվիլիի կողմից 34 բանտարկյալներին համաներում շնորհելու որոշումը հայտնի է դարձել օգոստոսի 28-ին: Հրամանագիրը կտրուկ քննադատության է ենթարկվել, երբ պարզվել է, որ համաներման արժանացողների թվում կա երկու մարդասպան: 

Միևնույն ժամանակ, ակտիվիստները ուշադրություն են հրավիրել այն փաստի վրա, որ Վրաստանի նախագահը հրաժարվել է ներում շնորհել վրաց պատրիարքի քարտուղարի սպանությունը նախապատրաստելու համար դատապարտված արքեպիսկոպոս Գեորգի Մամալաձեին: 

 

Քաղաքականություն

Պատահարներ