Թուրքիայում տուժած 12-ամյա ռուս աղջկան հայրենիք չեն վերադարձնի
Թուրքիայի Բոդրում շրջանում տուժած ռուս աղջկան հայրենիք չեն վերադարձնի։ Այս մասին հայտնում է ren.tv-ն:
Լրատվականը նշում է, որ երեխայի ծնողները հրաժարվել են տեղափոխել նրան` վատառողջության պատճառով։ Նշենք, որ տուժածի մոտ տենդ է սկսվել։
Սանկտ Պետերբուրգի առաջին մանկական քաղաքային հիվանդանոցի վերակենդանացման բաժանմունքի վարիչ Միխայիլ Ռուսակն էլ նշել է, որ երեխայի առողջական վիճակից ելնելով այս պահին նրա տեղափոխումը ռիսկային է։
Հիշեցնենք` ավելի վաղ հայտնել էինք, որ Բոդրումում 12-ամյա ռուս աղջիկը հայտնվել է լողավազանի խողովակի մեջ: Երեխան 4 անգամ կլինիկական մահ է տարել:
