Նիկոլ Փաշինյանի ու Դմիտրի Մեդվեդևի հանդիպումն ավարտվել է. պետք է շարունակել ամրապնդել հայ-ռուսական կապերը

Ավարտվել է Հայաստանի ու Ռուսաստանի վարչապետներ Նիկոլ Փաշինյանի ու Դմիտրի Մեդվեդևի հանդիպումը Ղրղզստանում։

Aysor.am-ի թղթակիցը Ղրղզստանից հայտնում է, որ Փաշինյանն ու Մեդվեդևը քննարկել են երկկողմ համագործակցությանն առնչվող հարցերի լայն շրջանակ։

Թե Հայաստանի, թե Ռուսաստանի վարչապետները համոզմունք են հայտնել՝ հարաբերություններում կա առաջընթաց։

ՀՀ  ու ՌԴ կառավարությունների ղեկավարները ընդգծել են՝ պետք է շարունակել ամրապնդել ու զարգացնել հայ-ռուսական կապերը։

Հանդիպման ընթացքում Հայաստանի և Ռուսաստանի վարչապետներն անդրադարձել են գազի, ատոմային էլեկտրակայանի, ավիափոխադրումների ոլորտում համագործակցության, ինչպես նաև երկկողմ հարաբերությունների օրակարգային մի շարք այլ հարցերի։ Կողմերը մտքեր են փոխանակել նաև վերջին շրջանում հայաստանյան և ռուսաստանյան ԶԼՄ-ներում արծարծվող հարցերի շուրջ։