Լարվածություն՝ հայաստանյան սահմաններում. մեկնաբանում է փոխնախարարը
ՀՀ պաշտպանության փոխնախարար Գաբրիել Բալայանի գնահատմամբ՝ վերջին օրերին լարվածությունը հայաստանյան սահմաններում է: Նրա խոսքով՝ հակառակորդի գործողություններին մեր զինված ուժերը համարժեք պատասխան են տվել:
Քանի որ քրեական գործ է հարուցվել, փոխնախարարը լրագրողների հետ զրույցում չանդրադարձավ մանրամասներին: Հարցին, թե ինչո՞վ է պայմանավորված լարվածությունն, այպես պատասխանեց.
«Որոշակի առումով մենք հայտարարել ենք, որ հիմա շատ թափով երկու կողմերում էլ ինժեներական աշխատանքներ են իրականացվում, այսինքն՝ մենք մեր դիրքերն ենք ամրապնդում, հակառակորդը փորձում է իր դիրքերն ամրապնդել, և մենք կասեցնում ենք ցանկացած առաջխաղացման փորձ: Որոշակի առումով լարվածությունը նաև հենց դրա պատճառով է: Այսինքն, մենք մեր ծառայությունն իրականացնում ենք այնպես, որ դիրքային առավելություն հակառակորդը չկարողանա ձեռք բերել»:
