ՙՀանցակիցները՚. ՙԿախարդական տղան՚. նկարների մակագրություն՝ Մխիթարյանից եւ Օբամեյանգից
Լոնդոնի Արսենալը մարզական հավաք է անցկացնում ԱՄՆ-ում։ ՙԶինագործներն՚ մարզում են անցկացրել Լոս Անջելեսում։ Հայաստանի ազգային հավաքականի կիսապաշտպան Հենրիխ Մխիթարյանը լուսանկար է հրապարակել մարզումից և գրել, որ անհամբեր սպասում է ԱՄՆ-ում լոնդոնյան թիմի խաղերին ամերիկացի երկրպագուների հետ հանդիպմանը։
ՙԱրսենալը՚ ԱՄՆ-ում ընկերական հանդիպումներ կանցկացնի ամերիկյան ՙԿոլորադո Ռեփիդսի՚, Մյունխենի ՙԲավարիայի՚, իտալական ՙՖիորենտինայի՚, Մադրիդի ՙՌեալի՚ հետ։
Ի դեպ, զինագործների ֆուտբոլիստներ Հենրիխ Մխիթարյանը և Պիեր Էմերիկ Օբամեյանգը Կալիֆորնիայում թիմի մարզումից միևնույն լուսանկարն են հրապարակել իրենց սոցցանցերից մեկում:
ՙՀանցակիցները՚, – այսպես է մակագրել նկարը Մխիթարյանը:
ՙԿախարդական տղան՚, – գրել է Օբամեյանգը:
