Առանց տանիքի մնացած ընտանիքները վերադառնում են Եղվարդ. Ռոմանոս Պետրոսյան

Եղվարդի Երևանյան խճուղի 11 հասցեից վտարված բնակիչների համար լուծում է գտնվել։

«Եղվարդ համայնքի ղեկավարի հետ համակողմանի ուսումնասիրության արդյունքում թիրախային լուծումներ գտանք մասնավորի տարածքը հարկադրաբար ազատած՝ Եղվարդ համայնքի մեր քաղաքացիների համար:

Վերջիններս դադարեցրել են իրենց բողոքի ակցիան ՀՀ կառավարության շենքի առջև և այժմ վերադառնում են Եղվարդ՝ հանդիպելու համայնքի ղեկավարին և խորհրդականիս, որպեսզի քննարկեն հարցի վերջնական լուծման քայլերի հաջորդականությունը», - Facebook-ի իր էջում գրել է Կոտայքի մարզպետ Ռոմանոս Պետրոսյանը։

Ավելի վաղ տեղեկացրել էինք, որ քաղաքի բնակիչները կառավարության շենքի առջև բողոքի ակցիա էին իրականացնում`պնդելով, որ իրենք մնացել են դրսում: