«Գազպրոմ Արմենիայից» կկրճատվի 1000 աշխատակից. Գարեգին Բաղրամյան
Առաջիկա 5 տարվա ընթացքում «Գազպրոմ Արմենիայից» կկրճատվի 1000 աշխատակից։ Այս մասին այսօր լրագրողներին հայտնեց ՀՀ հանրային ծառայությունները կարգավորող հանձնաժողովի նախագահ Գարեգին Բաղրամյանը:
Բաղրամյանը նշեց, որ ՀԾԿՀ ընդունած որոշմամբ «Գազպրոմ Արմենիային» հնարավորություն է տրվել հաստիքացուցակի որոշակի կրճատումներ անելոu, ասել է նա` անդրադառնալով «Գազպրոմ Արմենիայի» օպտիմալացման ծրագրին։
«Բայց արել են, թե ոչ, կդժվարանամ ասել։ Նախնական գնահատականներով շուրջ 1000 աշխատակցի կրճատման մասին է խոսքը, բայց առաջիկա 5 տարվա ընթացքում» ,–ասաց Բաղրամյանը։
Հիշեցնենք` ՌԴ նախագահ Վլադիմիր Պուտինի հետ հանդիպումից հետո, հունիսի 6-ին ՀՀ վարչապետ Նիկոլ Փաշինյանն ասել էր, որ հույս ունի, որ Երևանն ու Մոսկվան գազի գնի հարցում լեզու կգտնեն։
