Աճուրդի կհանվեն Շառլ Ազնավուրի սիրային նամակները
Ֆրանսիայում հունիսի 28-ին կայանալիք աճուրդի ժամանակ կվաճառվեն Շառլ Ազնավուրի՝ Կլոդ Մեսսիա անունով աղջկան ուղղված սիրային նամակները, հաղորդում է Le Figaro-ն:
Նշվում է, որ շանսոնյեն շուրջ 6 տարի նամակներ է գրել 20-ամյա աղջկան, ում նա հանդիպել է 1958-ին և ում սիրահարված է եղել: Այդ ժամանակ Ազնավուրը 34 տարեկան էր և արդեն հայտնի էր իր սիրային երգերով:
Շառլ Ազնավուրի նամակները հիշեցնում են նրա սիրային լավագույն տեքստերը:
Ընդհանուր հաշվով պահպանվել է 42 ձեռագիր նամակ, 9 բացիկ և 9 հեռագիր. շուրջ 118 ձեռագիր նմուշների արժեքը գնահատվում է 30-40 հազար դոլար:
