Ղազախստանի ՆԳՆ ԱԻ հանձնաժողովի պաշտոնական ներկայացուցիչ Նուրսուլթան  Նուրահմետովը հայտնել է, որ Առիս քաղաքի ռազմական պահեստում  պայթյունների հետևանքով զոհերի թիվը հասել է 3-ի:

Ինչպես հայտնում են տեղի լրատվամիջոցները, 70 մարդ դիմել է բուժօգնության, նրանցից 45-ը հոսպիտալացվել է:

Այս պայթյունների պատճառով արդեն տարհանված է զինապահեստի մոտ գտնվող ամբողջ Առիս քաղաքը՝ 44 հազար բնակչություն։ Պատճառն այն է, որ նման մասշտաբի պայթյունների ժամանակ հաճախ զինամթերքը կիլոմետրերով հեռու տեղեր է շպրտվում ու երբեմն չի պայթում՝ մշտական սպառնալիք դառնալով շրջակայքի համար։ Նմանատիպ պատահար 2 տարի առաջ եղել է նաև Ադրբեջանում։