Թունավորում Սուրենավանում, 6 քաղաքացի հոսպիտալացվել է
Հունիսի 18-ին՝ ժամը 20.00-ին, հիվանդանոցից ոստիկանության Արարատի բաժին հաղորդում է ստացվել, որ «սուր էկզոգեն սնկային թունավորում» ախտորոշմամբ բուժօգնության են տեղափոխվել Սուրենավան գյուղի 6 բնակիչ:
ՀՀ ոստիկանությունից հայտնում են, որ մեկնած օպերատիվ խումբը պարզել է, որ նրանք նույն օրը՝ ժամը 17.00-ի սահմաններում, տանը կերել են դաշտից հավաքած սունկ:
Նախապատրաստվում են նյութեր:
