Նոր Գեղիում ճակատ-ճակատի են բախվել Mercedes-ն ու «Նիվա»-ն. կա 4 վիրավոր
Կոտայքի մարզում, այսօր՝ հունիսի 19-ին, խոշոր ավտովթար է տեղի ունեցել. ժամը 09։00-ի սահմաններում Նոր Գեղի գյուղի գլխավոր ճանապարհին ճակատ-ճակատի բախվել են «ՎԱԶ 2121» մակնիշի 700 ՍՍ 07 համարանիշի և Mercedes մակնիշի 17 ՕՏ 327 համարանիշի ավտոմեքենաները։
Shamshyan.com-ի հաղորդմամբ, վթարի հետևանքով 4 հոգի տարբեր աստիճանի մարմնական վնասվածքներով քաղաքացիների օգնությամբ դուրս են բերվել ավտոմեքենաներից, և տեղափոխել տարբեր հիվանդանոցներ։
Ըստ նախնական տեղեկությունների՝ վթարի մեղավորը Mercedes-ի վարորդն է, ով դուրս է եկել հանդիպակաց երթևեկելի գոտի և բախվել Նիվային։
