Խոշոր ավտովթար Կրասնոդարի մոտակայքում. տուժածներ կան

Այսօր Կրասնոդարի մոտ խոշոր ավտովթար է տեղի ունեցել։ Այս մասին հայտնում են ռուսական ԶԼՄ–ները` հղում անելով Կրասնոդարի երկրամասի ՆԳՆ գլխավոր վարչությանը։

Նշվում է, որ պատահարը տեղի է ունեցել Կրասնոդար–Վերխնեբականսկի ճանապարհի 43–րդ կիլոմետրում Մոսկվայի ժամանակով 07։45–ին։

«Բոդգան» մակնիշի ավտոբուսը մխրճվել է Volvo բեռնատարի մեջ, որը կանգնած է եղել լուսացույցի տակ։ ՃՏՊ–ի հետևանքով 10 մարդու տեղափոխել են հիվանդանոց։

Որոշ տվյալներով` տուժել են 17 մարդ։ Տեղեկությունը ճշտվում է։