Արշակյանը ծնողներին հորդորել է երեխաներին ուղղորդել դեպի բնագիտական ուղղություններ
Բարձր տեխնոլոգիական արդյունաբերության նախարար Հակոբ Արշակյանն այսօր ԱԺ-ում պատգամավորներից մեկի հարցին պատասխանելիս ծնողներին կոչ արեց իրենց երեխաներին, աշակերտներին ուղղորդել դեպի բնագիտական ուղղություններ՝ ֆիզիկա, մաթեմատիկա, նյութագիտություն սովորելու։
Արշակյանն ասաց, որ այսպիսի մասնագետների կարիք կա և՛ Հայաստանում, և՛ աշխարհում։ Նա մի քանի մասնավոր օրինակ բերեց նաև հայկական տեխնոլոգիական ընկերություններից ու միջդիսցիպլինար լուծումներից։
