ՌԴ Սմոլենսկի մարզի Վյազմա քաղաքի երկաթուղային կայարանում քամին պոկել է տանիքի ծածկի մի մասը, որն ընկել է Մոսկվա-Բրեստ երթուղով շարժվող ուղևորատար գնացքի վրա; Այս մասին հայտնում է Life.ru-ն;

Արտակարգ պատահարը տեղի է ունեցել հզոր ցիկլոնի պատճառով, որն ուղեկցվել է ուժեղ անձրևներով, կայծակով և քամու ուժգնացմամբ՝ մինչև 20 մետր վայրկյան:

Քամու ուժեղ պոռթկումների հետևանքով վնասվել է Վյազմայի երկաթուղային կայարանի ուղեբեռային բաժնի տանիքը, որի մակերեսը կազմում է 400 քառ. մետր: