Միջազգային ԶԼՄ-ների անդրադարձըՙ «Ադեկվադի» անդամների ձերբակալությանը

Արտասահմանյան մի շարք լրատվամիջոցներ անդրադարձել են «Ադեկվադ» նորաստեղծ ՀԿ-ի ղեկավար Արթուր Դանիելյանի ձերբակալությանը:

Lenta.ru-ն նշում է, որ Արթուր Դանիելյանը ստեղծումից առաջ հայտարարել էր, որ իրենք ադեկվատ լուծումներ են առաջարկել երկրում ստեղծված խնդիրների լուծման համար, ավելին՝ իրենց փորձելու են նման կերպ պատասխանել, բռնի ուժ կիրառել: Հիշեցվում է, որ Դանիելյանը հայտարարել էր, որ իրենց անդամներին ձերբակալել են վարչապետ Նիկոլ Փաշինյանիի հրամանով, քանի որ ինչ-որ մեկը կեղծ ահազանգել է ոստիկանություն, թե նրանք ահաբեկել են այդ զանգահարողին:

Кавказский узел պարբերականը նկատում է, որ միջադեպից օրեր առաջ կառավարության ղեկավարը հանձնարարել է իրավապահ մարմիններին «ոչ թե թավշյա, այլ երկաթյա հարված հասցնել ուժերին, որոնք բռնության քարոզչություն են իրականացնում և կապված են նախկին կոռումպացված համակարգի հետ»:

Նշվում է, որ Դանիելյանն ընդդիմադիր կուսակցությունն ստեղծել է մայիսի 27-ին՝ հայտարարելով, որ Հայաստանը բախվում է լուրջ մարտահրավերների և խնդիրների հետ, իսկ քաղաքական համակարգը «սպառել է դրանց համարժեք արձագանքելու ունակությունը»:

Eurasianet.org-ը ևս անդրադարձել է «հակափաշինյանական աջաթևյան կուսակցության» 11 անդամի ձերբակալությանը, որը «հաջորդել է վարչապետ Փաշինյանի կողմից սևազգեստների մասին արված խիստ նախազգուշացումներին»:Նշվում է, որ հայկական բլոգերներից գրել են, որ մարդիկ բռնության են ենթարկվում ընդամենը իրենց արտահայտած խոսքի համար, և սա քաղաքական հիմք ունի:

Հունիսի 9-ին հայտնի է դարձել Երևանում կայացած երթից հետո «Ադեկվադ» ԳԿ-ի 11 անդամի ձերբակալության մասին: