Ուժեղ կարկուտ Լոռու մարզում. Shamshyan com
Լոռու մարզում մոտ մեկ ժամ առաջ ուժեղ կարկուտ է տեղացել: Շուրջ 15 րոպե տեղացած կարկուտը վնասել է մեքենաներ, ծառերի բերքը, ճանապարհները: Կարկուտից հետո հորդառատ անձրև է տեղացել:
SHAMSHYAN. com-ի թղթակիցը տեղից հայտնում է, որ րոպեների ընթացքում կարկուտը սպիտակ շերտով է պատել ճանապարհները: Այս պահին մարդիկ սպասում են, որպեսզի իրենց այցելեն Լոռու մարզպետարանի և Վանաձորի քաղաքապետարանի պատասխանատուները, որպեսզի, ինչպես իրենք են ասում՝ խելք խելքի տան և տեսնեն, թե ինչով կարող են մարդկանց օգնել:
