Ինձ համար առանցքային երկու բան կա. Նիկոլ Փաշինյան
Այսօր ընթանում է «Կորպորասիոն Ամերիկա» օդանավակայանների ղեկավարության գագաթնաժողովը, որին մասնակցում է ՀՀ վարչապետ Նիկոլ Փաշինյանը։
«ՀՀ-ում շատ բարձր են գնահատում Էռնեկյան ընտանիքի գործունեությունը։ Կարող ենք միանշանակ ասել, որ առնվազն երկու ոլորտում Էռնեկյան ընտանիքի և «Կորպորասիոն Ամերիկա» ընկերության գործունեությունը ՀՀ-ում ունեցել է և ունի շրջադարձային նշանակություն: Մենք բոլորս հիմա, անկեղծ ասած, հպարտ ենք մեր «Զվարթնոց» միջազգային օդանավակայանի համար և տեսնում ենք, որ այն համապատասխանում է միջազգային լավագույն չափանիշներին, և դեռ համոզված եմ, որ առաջիկայում այն մեզ հպարտանալու նորանոր առիթներ կտա»,- իր ելույթում ասել է Նիկոլ Փաշինյանը։
Փաշինյանն առանձնացրել է երկու առանցքային հանգամանք՝ Գյումրու օդանավակայանի հարցն ու հայկական ավիափոխադրողներ ունենալու անհրաժեշտությունը:
«Ինձ համար առանցքային երկու բան կա: Առաջինը այն, որ Գյումրու օդանավակայանը համապատասխանի միջազգային ստանդարտներին և համատեղ համագործակցության արդյունքում Հայաստանն ունենա հայկական ավիափոխադրողներ, ստեղծվի մցակցություն, հայկական ընկերությունները լինեն մրցունակ, որ գոյատևեն ավիափոխադրումների շուկայում»,- ընդգծել է վարչապետը:
