Եռաբլուրի մոտ ավտոմեքենան գլխիվայր շուռ է եկել
Այսօր՝ մայիսի 31-ին, Երևանում խոշոր ավտովթար է տեղի ունեցել: Ժամը 17:15-ի սահմաններում Նոր Խարբերդ գյուղի բնակիչ, 28-ամյա Ա. Մ.–ն իր վարած Nissan Teana մակնիշի 13 VR 113 համարանիշի ավտոմեքենայով Սեբաստիա փողոցում՝ Եռաբլուր զինվորական պանթեոնի դիմաց, դուրս է եկել ճանապարհի երթևեկելի գոտուց, բախվել բազալտե եզրաքարերին և առաջ ընթանալով՝ գլխիվայր հայտնվել հետիոտնի համար նախատեսված վայրում:
Այս մասին հայտնում է Shamshyan. com-ը։
Նախնական տեղեկությունների՝ վթարի հետևանքով, զոհեր և վիրավորներ չկան: Փրկարարները հոսանքազրկել են ավտոմեքենան, այնուհետև քաղաքացիների օգնությամբ ուղղել են այն:
Աղբյուրի փոխանցմամբ դեպքի վայրում վարորդը ոստիկանության ծառայողներին ասել է, որ վթարի մեղավորը եղել է ոստիկանական համարանիշներով УАЗ մակնիշի ավտոմեքենա, որը վթարային իրավիճակ է ստեղծել, ինչի պատճառով տեղի է ունեցել վթարը, իսկ УАЗ-ը նաև բախվել է իր ավտոմեքենային և դեպքի վայրից դիմել փախուստի: Ոստիկանությունը պարզում է նաև վարորդի հայտնածը համապատասխանում է իրականությանը, թե ոչ:
