Մայիսի 27-ին ոստիկանությունում հաղորդում է ստացվել, որ թիվ 8 երթուղային ավտոբուսում գողացել են մի կնոջ դրամապանակը։ Ոստիկանությունից հայտնում են, որ ոստիկանության Երեւան քաղաքի վարչության քրեական հետախուզության բաժնի գրպանահատության դեմ պայքարի բաժանմունքի աշխատակիցները, ձեռնարկելով համապատասխան միջոցառումներ, պարզել են, որ գրպանահատությունը կատարել է Կապան քաղաքում ապրող 33-ամյա մի տղամարդ, որը նույն օրը Ֆրանսիայի հրապարակում հայտնաբերվել ու բերման է ենթարկվել ոստիկանություն։ Բերման ենթարկվածը տվել է խոստովանական բացատրություն։ Դրամապանակի տերը հրաժարվել է հաղորդում տալ։ Ձեռնարկվում են միջոցառումներ գողոնը հայտնաբերելու ուղղությամբ։ նախապատրաստվում են նյութեր։