«Արսենալ»-ի ֆուտբոլիստներին արգելել են Մխիթարյանի աջակցության ակցիա իրականացնել
ՈւԵՖԱ-ն «Արսենալ»-ի ֆուտբոլիստներին արգելել է Եվրոպա լիգայի եզրափակիչ հանդիպման ժամանակ որևէ ակցիա իրականացնել` ի աջակցություն Հենրիխ Մխիթարյանին:
Ըստ բրիտանական The Daily Mail պարբերականի` «զինագործներ»-ը քննարկել են, թե ինչպես կարող են աջակցել հայ կիսապաշտպանին, որը անվտանգության նկատառումներից ելնելով չի կարողացել թիմի հետ մեկնել Ադրբեջանի մայրաքաղաք:
Ֆուտբոլիստները ցանկացել են նախավարժանքի դուրս գալ Մխիթարյանի անունով մարզաշապիկներով: Սակայն ՈւԵՖԱ-ից ներքին աղբյուրները հաղորդել են, որ նմանատիպ ցանկացած քայլ արգելված է:
Խաղի մարզահագուստները, ինչպես նաև խաղից հետո հաղթող թիմի կրած շապիկները, պետք է հաստատվեն ՈւԵՖԱ-ի կողմից:
