Եվրոպական խաղերին Հայաստանից 9 բռնցքամարտիկ կմասնակցի
ՀՀ բռնցքամարտի ֆեդերացիան հաղորդում է, որ Հայաստանի 9 բռնցքամարտիկներ կմասնակցեն Եվրոպական խաղերին:
Հիշեցնենք, որ Եվրոպական խաղերը անցկացվելու են Բելառուսի մայրաքաղաք Մինսկում հունիսի 21-30-ը:
Հավաքականի գլխավոր մարզիչ Ռուդիկ Մկրտչյանը մեր ընտրանու կազմում ընդգրկել է հետևյալ բռնցքամարտիկներին՝ 49 կգ քաշային Արթուր Հովհաննիսյանին, 56 կգ քաշային Էրիկ Պետրոսյանին, 60 կգ քաշային Հրայր Շահվերդյանին, 64 կգ քաշային կարգում Եվրոպայի չեմպիոն և աշխարհի բրոնզե մեդալակիր Հովհաննես Բաչկովին, 69 կգ քաշային Կորյուն Աստոյանին, 75 կգ քաշային Արման Դարչինյանին, 91 կգ քաշային Հենրիկ Սարգսյանին ու գերծանր քաշային Գուրգեն Հովհաննիսյանին:
Աղջիկներից Հայաստանը կներկայացնի 51 կգ քաշային Անուշ Գրիգորյանը:
