Վանաձորում բախվել են երթուղային «Газель»-ն ու Mersedes-ը. կան վիրավորներ

Ժամեր առաջ խոշոր ավտովթար է տեղի ունեցել Վանաձոր քաղաքում: Ժամը 21:00-ի սահմաններում Բաղրամյան կամրջի վրա բախվել են Վանաձորի թիվ 5 երթուղին սպասարկող «Газель»-մակնիշի 2211 Լ համարանիշի եւ Mersedes մակնիշի 36 VS 777 համարանիշի ավտոմեքենաները: Ինչպես հայտնում է Հայկական ժամանակը` հետեւանքով, նախնական տեղեկություններով, «Газель»-ում գտնվող 3 հոգի տեղափոխվել է Վանաձորի բժշկական կենտրոն: Դեպքի վայրում աշխատում են իրավապահները: Ոստիկանությունը պարզում է վարորդների եւ վիրավորների ինքնությունը: