Քոչարյանի դեմ բողոքող ցուցարարները փորձել են քաշքշել թոռների հետ զբոսնող ՀՅԴ-ական Հրանտ Մարգարյանին
Ազատության հրապարակում ՀՀ երկրորդ նախագահ Ռոբերտ Քոչարյանին կալանքից ազատելու դատարանի որոշման դեմ բողոքող ցուցարարների և ՀՅԴ-ական Հրանտ Մարգարյանի միջև միջադեպ է տեղի ունեցել:
Ակցիայի մասնակիցները, Ազատության հրապարակում տեսնելով թոռների հետ զբոսնող Հրանտ Մարգարյանին, սկսել են վանկարկել «դա-վա-ճան», ապա փորձել են խմբով մոտենալ նրան, քաշքշել:
Ոստիկաններն առանձնացրել են կողմերին և ցուցարարներին թույլ չեն տվել մոտենալ քաղաքական գործչին:
Հիշեցնենք, որ դատարանի որոշման դեմ բողոքող ցուցարարներն այսօր ավելի վաղ ժամանակավորապես փակել էին Մյասնիկյանի պողոտան, ապա քայլերթով հասել են Ազատության հրապարակ:
