Չեք կարող` մի անցկացրեք Եվրոպա լիգայի եզրափակիչ. Ուտկինը՝ Ադրբեջանին

Ռուսաստանցի հայտնի ֆուտբոլային մեկնաբան Վասիլի Ուտկինը մեկնաբանել է Եվրոպա լիգայի 2018-19 մրցաշրջանի եզրափակիչը Բաքվում անցկացնելու փաստը: Նա ռադիոեթերում անդրադարձել է ՀՀ հավաքականի եւ «Արսենալի» կիսապաշտպան Հենրիխ Մխիթարյանի շուրջ ստեղծված իրավիճակին: Այս պահին դեռ հաստատ չէ, որ հայ ֆուտբոլիստը կկարողանա մասնակցել մայիսի 29-ին «Չելսիի» դեմ կայանալիք եզրափակչին: «Ադրբեջանի իշխանությունները պետք է մի կողմ թողնեն քաղաքական կոնֆլիկտը, տարածքային վեճը: Եթե այս ամենի հետ մեկտեղ Ադրբեջանը հավակնում է նման միջոցառում անցկացնել, պետք է հաշիվ տա իրեն, որ միգուցե.... Ենթադրենք հանդիպման տեսուչ էր նշանակվել Ֆրանսիայի հայ, եթե նման դեպքերում պատրաստ չեն անվտագության անհրաժեշտ միջոցներ ձեռնակել, թող չանցկացնեն նման միջոցառում, չեք կարող, մի արեք»,- ասել է Ուտկինը՝ ավելացնելով, որ Մխիթարյանը համաշխարհային կարգի ֆուտբոլիստ է: «Արսենալն» ամեն ինչ անում է, որպեսզի Մխիթարյանը եզրափակչում թիմի հետ լինի: «Զինագործները» հատուկ պահանջներ են ներկայացրել ՈՒԵՖԱ-ին: