Հարձակվել են Սաակաշվիլու կնոջ վրա
Վրաստանի Զուգդիդի քաղաքում հարձակվել են երկրի նախկին նախագահ Միխեիլ Սաակաշվիլու կնոջ՝ Սանդրա Ռուլովսիի վրա:
«Եկան ու սկսեցին կոպիտ վիրավորանքներ հնչեցնել: Թույլ չտվեցին, որ աշխատենք: Մենք այստեղ նկարահանումներ ունեինք: Հետո անցան կռվի, վազեցին մեր լրագրողի, լուսանկարչի հետևից: Մենք անվտանգությանը խնդրեցինք ոստիկանություն կանչել, բայց ոչ ոք չեկավ: Նրանք եկան միայն այն ժամանակ, երբ բոլորը գնացել էին»,-պատմել է Սաակաշվիլիի կինը:
Նշենք, որ դեպքի պահին «Օդիշի» հեռուստաընկերությունը հաղորդում էր պատրաստում Ռուլովսի մասին. հենց այդ ժամանակ էլ հայտնվել են սադրիչները, որոնք վիրավորել են նախկին առաջին տիկնոջն ու նկարահանման անձնակազմին, վազել են լուսանկարչի հետևից:
