ՏԵՍԱՆՅՈՒԹ. Տավուշի մարզում բախվում են Mercedes-ն ու УАЗ-ը. կա վիրավոր

SHAMSHYAN. com-ը ներկայացնում է բացառիկ տեսանյութ՝ ինչպես է մայիսի 12-ին Տավուշի մարզում տեղի ունեցել УАЗ-ի և Mercedes-ի բախումը, երբ բախման հետևանքով УАЗ-ում հրդեհ է բռնկվել: Ինչպես հայտնում է ֆոտոլրագրող Գագիկ Շամշյանը, այդ օրը ժամը 13:30-ի սահմաններում Նոյեմբերյան քաղաքի Երևանյան փողոցում բախվել էին 32-ամյա Վարդան Փաշինյանի վարած Mercedes մակնիշի 65 OO 827 համարանիշի և Տավուշի մարզի Ջուջևան գյուղի բնակիչ, 53-ամյա Մհեր Դավթյանի վարած УАЗ մակնիշի 35 QD 527 համարանիշի ավտոմեքենաները: Վթարի հետևանքով վարորդներից Վ. Փաշինյանը մարմնական վնասվածքներով տեղափոխվել է Իջևանի բժշկական կենտրոն: Փաստի առթիվ ճանապարհային ոստիկանության 2-րդ սպայական գումարտակի 5-րդ վաշտի հետաքննիչի կողմից նյութեր են նախապատրաստվում: