Ազատության հրապարակում հարձակվել են թոռների հետ զբոսնող Հրանտ Մարգարյանի վրա
ՀՀ երկրորդ նախագահ Ռոբերտ Քոչարյանի խափանման միջոցը փոխելու և նրան ազատ արձակելու դատարանի որոշումից հետո դատարանի բակում նրա դեմ ակցիա իրականացնող քաղաքացիները քայլերթ են իրականացրել: Նրանք նախ փակել են Մյասնիկյան պողոտան, ապա քայլերթով հասել են Ազատության հրապարակ, որտեղ հանրահավաք են անցկացնում:
Այդ ընթացքում միջադեպ է գրանցվել: Ազատության հրպարակում ցուցարարները հարձակվել են ՀՅԴ անդամ Հրանտ Մարգարյանի վրա, սկսել վանկարկել «դավաճան»: Ոստիկաններին հաջողվել է հանդարտեցնել ակցիայի մասնակիցներին: Հրանտ Մարգարյանը, որը երեխաների հետ էր, հեռացել է: Նրան ուղեկցում էին մի քանի մարդ:
Տեսանյութը՝ News am
