Պաշտպանության նախարարությունը սպառազինության հարցում ձգտում է առավելության․ Դավիթ Տոնոյան
«Եղել են խոցումներ, որոնք բերել են վիրավորումների: Մենք դրանց համապատասխան ձևով արձագանքել ենք: Այս ակտիվությունը պայմանավորում եմ երկկողմանի ինժեներական աշխատանքներով: Ձմռանից հետո, գիտեք, գարնանը որոշ ինժեներական աշխատանքներ են կատարվում, առաջնագիծն աշխուժանում է: Հայաստանի Զինված ուժերը շարունակում են իրենց աշխատանքը՝ ապահովելով երկրի անվտանգությունը», -ՀՀ պաշտպանության նախարար Դավիթ Տոնոյանը, «Հաղթանակ» զբոսայգում լրագրողների հետ զրույցում, անդրադարձել է սահմանային իրավիճակին:
Պաշտպանության նախարարը վերահաստատեց` հայկական բանակը զինվում է շատ խիստ, հավելելով. «Դրա համար մենք ունենք բոլոր հնարավորությունները»,-ասաց նախարարը:
Արդյոք այդ գործողություններով տարածաշրջանում սպառազինության բալանսը վերականգնվում է, հարցին` Դավիթ Տոնոյանն ասաց. «Պաշտպանության նախարարությունը ձգտում է ոչ թե բալանսի, այլ առավելության»:
