Դավիթ Տոնոյանը՝ բանակում ծառայող որդու մասին
Քիչ առաջ Հաղթանակի զբոսայգում Մայիսյան տոներին նվիրված միջոցառմանը լրագրողները Պաշտպանության նախարար Դավիթ Տոնոյանին հիշեցրել են վարչապետ Նիկոլ Փաշինյանի երեկվա հայտարարությունը, թե բանակում ծառայող զինվորներն ունեն լավ շապիկներ ու վարտիքներ և հետաքրքրվել՝ ինքը բանակում ծառայող որդուն՝ շարքային Տոնոյանին, ուղարկո՞ւմ է վարտիքներ։
«Ո՛չ, չեմ ուղարկում, ստիպում եմ, որ լվա»,- ի պատասխան Տոնոյանն ուղղել է լրագրողին, ասելով, որ արդեն մեկ տարի բանակում ծառայող որդին կրտեսեր սերժանտ է դարձել։
Նախարարը հիշեցրել է, որ նախկինում բանակին մատակարարվող ներքնազգեստը մեկանգամյա օգտագործման է եղել, իսկ հիմա որակն ավելի բարձր է և հնարավոր է մի քանի անգամ օգտագործել։
