«Անունը ասա, անունը». պատգամավորը չի գալիս նիստին, գործընկերն է նրա փոխարեն գրանցվում․ Դանիելյան
«Իմ քայլը» խմբակցության պատգամավոր Համազասպ Դանիելյանը ԱԺ նիստին հայտարարեց, թե դահլիճում արձանագրել է դեպք, երբ բացակա պատգամավորին գործընկերը գրանցում է։
«Սա առաջին անգամը չէ, որ տեղի է ունենում այս դահլիճում, և ես կոչ եմ անում նման քայլերից զերծ մնալ, որովհետև դա ազնիվ չէ», - հայտարարեց պատգամավոր Դանիելյանը։
Գործընկերները նրան բազմաթիվ անգամ խնդրեցին՝ «անունը ասա, անունը», սակայն Դանիելյանը չասաց՝ խոստանալով մեկ ուրիշ անգամ նաև անունը հայտարարել։
ԱԺ նախագահ Արարատ Միրզոյանը նշեց, թե, իհարկե, կասկածի տակ չի դնում Դանիելյանի հայտարարությունը։ «Ուզում եմ հիշեցնել, որ այդ բարքերը, որ նախկինում եղել են խորհրդարանում, այլևս այս խորհրդարանում չեն կարող գործել, հատկապես միմյանց փոխարեն գրանցվելու և քվեարկելու։ Հույս ունեմ, որ այն, ինչ նկատել եք, թյուրիմացության արդյունք է»,-ասաց ԱԺ նախագահը։
